LEEUPOORT MARKDAG – Op Leeupoort Vakansiedorp het ons een maal per maand ‘n Markdag waar die plaaslike gemeenskap die geleentheid het om hulle produkte en dienste ten toon te stel, of te skou en te verkoop. Dit is die ideale geleentheid om kennis te maak, plaaslike kunstenaars te ontmoet, handgemaakte- en tuisgebakte produkte te koop en te verkoop, en besigheidskontakte uit te bou.
Daar word ook hard gewerk om die omliggende boere gemeenskap by die mark te betrek, waar boere dan ook die geleentheid sal hê om hulle vars plaas-produkte aan te bied. Leeupoort Markdag is ‘n geleentheid vir plaaslike inwoners, omliggende boere en besighede, om mekaar te ondersteun om sodoende die plaaslike ekonomie uit te bou tot almal se voordeel. Vertel dus gerus u vriende en nooi dan ook besoekers aan hierdie omgewing om te kom inloer.
Hierdie omgewing is ook geseën met talle kunstenaars: sangers, musikante, skilders, beeldhouers en ander kunste. Leeupoort Markdag is dan ook ‘n geleentheid vir u om u kuns bekend te stel en u loopbaan uit te bou. Daarom het Leeupoort Vakansiedorp ook reeds ‘n Boeremusiek Monument en word ‘n jaarlikse Konsertinafees hier aangebied.
Markdag op Leeupoort Vakansiedorp is tans nog in sy kinderskoene, maar hou ons dop; hier gaan nog groot dinge gebeur.
Die volgende Markdag op Leeupoort Vakansiedorp is op 18 Maart 2023. Teken dit gerus aan op u dagboek en kom maak ‘n draai.
Indien u enige vrae of voorstelle het, kontak Hilda gerus by 084 506 0323 of stuur ‘n boodskap aan ons.
